FH vann sannfærandi 0-2 sigur á Fylki í Pepsi Max-deildinni í kvöld. Hér fyrir neðan má finna einkunnir sem 433.is gefur leikmönnum eftir leik. Einkunnaskalinn er 1-10.
Steven Lennon kom FH yfir úr vítaspyrnu úr 25.mínútu. Stuttu síðar misstu Fylkismenn Unnar Stein Ingvarsson af velli eftir að leikmaðurinn hafði fengið sitt annað gula spjald. Dómurinn var umdeildur. Matthías Vilhjálmsson skoraði svo seinna mark FH á 48.mínútu.
Nánari úttekt á leiknum má nálgast hér.
433.is velur Þóri Jóhann Helgason besta mann vallarins í kvöld. Hann gerði virkilega vel þegar hann átti stungusendingu á Jónatan Inga Jónsson sem leiddi til vítaspyrnudómsins. Þá lagði hann einnig upp markið fyrir Matthías. Þess fyrir utan stafaði mikil ógn af honum í leiknum. Áðurnefndu Jónatan Ingi spilaði einnig vel í kvöld.
Hjá Fylki er markvörðurinn Ólafur Kristófer Helgason valinn bestur. Hann fékk vissulega dæmda á sig vítaspyrnu en hann kom þó einnig í veg fyrir stærra tap heimamanna með nokkrum góðum vörslum.
Fylkir
Ólafur Kristófer Helgason (6), Ásgeir Eyþórsson (5), Unnar Steinn Ingvarsson (4), Arnór Gauti Jónsson (5), Orri Sveinn Stefánsson (5), Torfi Tómoteus Gunnarsson (5), Orri Hrafn Kjartansson (5), Djair Parfitt-Williams (5), Hallur Húni Þorsteinsson (5), Dagur Dan Þórhallsson (5), Arnór Borg Guðjohnsen (5)
Varamenn: Jordan Brown (5), Þórður Gunnar Hafþórsson (5), Helgi Valur Daníelsson (spilaði of lítið til að fá einkunn)
FH
Gunnar Nielsen (7), Hörður Ingi Gunnarsson (7), Hjörtur Logi Valgarðsson (5), Eggert Gunnþór Jónsson (6), Steven Lennon (7), Þórir Jóhann Helgason (8, maður leiksins), Matthías Vilhjálmsson (7), Jónatan Ingi Jónsson (8), Guðmundur Kristjánsson (6), Guðmann Þórisson (6), Ágúst Eðvald Hlynsson (7)
Varamenn: Pétur Viðarsson (5), Björn Daníel Sverrison (6), Vuk Oskar Dimitrijevic (spilaði of lítið til að fá einkunn), Baldur Logi Guðlaugsson (spilaði of lítið til að fá einkunn)
