Riyad Mahrez, vængmaður Manchester City, gerði lítið úr Mitchel Bakker, vinstri bakverði Paris Saint-German í leik liðanna á dögunum.

Man City og PSG mættust í fyrri leik liðanna í undanúrslitum Meistaradeildar Evrópu á miðvikudag. Lokatölur urðu 1-2 fyrir City sem tekur mikilvæg útivallarmörk með sér í seinni leik liðanna í Manchester á þriðjudag.

Í leiknum fékk Idrissa Gana Guye að líta rautt spjald fyrir ljótt brot á Ilkay Gundogan. Í kjölfar brotsins hópuðust leikmenn liðanna að dómara leiksins. Þá skiptust leikmenn á vel völdum orðum sín á milli.

,,Þú þarna, farðu,“ heyrðist Mahrez segja við Bakker er hann vísaði honum frá dómaranum. Hann bætti svo við ,,hver er þessi gæi.“ 

Bakker var langt frá því að vera frægasti maðurinn á vellinum í þessu stjörnum prýdda einvígi. Það er því hægt að túlka það svoleiðis að Mahrez hafi látið það bitna á honum.

Mahrez sur le rouge de Gueye 😭😭

"Please check, check,check, check"

"Wallah y’a faute de fou cousin"

Et à Bakker : "Vasy va là-bas toi, c’est qui ce mec?" pic.twitter.com/7FAYzzVGKA

— 𝙅𝙤𝙧𝙙𝙖𝙣 (@PJordan__) May 1, 2021