Daði Freyr Arnarsson, markvöður FH, er á leið til Vestra í Lengjudeildinni á láni. Þetta kemur fram í útvarpsþættinum Fotbolti.net.
Daði Freyr, sem er 22 ára, er uppalinn fyrir vestan í BÍ/Bolungarvík. Hann fór til FH árið 2015. Hann lék á láni með Vestra tímabilin 2017 og 2018.
Markvörðurinn braut sér leið inn í byrjunarlið FH sumarið 2019 en í fyrra var hann orðinn varaskeifa fyrir Gunnar Nielsen.
Diego Garcia, markvörður Vestra, puttabrotnaði í leik gegn Hamar í síðustu viku og verður frá í 4-6 vikur. Daði Freyr kemur til með að fylla í hans skarð.
