FC Bayern hefur staðfest að Julian Nagelsmann taki við þjálfun liðsins í sumar, þessi 33 ára þjálfari hefur skrifað undir fimm ára samning.
Hansi Flick hafði óskað eftir því að hætta sem þjálfari Bayern í sumar, hann er líklega að taka við þýska landsliðinu.
Bayern þarf að greiða RB Leipzig væna upphæð til að losa Nagelsmann úr starfi. Nagelsmann er 33 ára gamall en hann er talinn einn allra efnilegasti þjálfari í heimi. Nagelsmann var áður þjálfari Hoffenheim en tók við Leipzig árið 2019.
Bayern er með sjö stiga forskot á Leipzig á toppnum í Þýskalandi þegar þrjár umferðir eru eftir.
