Nú eiga sér stað ansi skemmtilegar umræður á samfélagsmiðlinum Twitter þar sem Íslendingar ræða frægar stjörnur sem hafa orðið á vegi þeirra og lýsa samskiptum sínum við þær. Þar á meðal eru sögur af ýmsum fótboltastjörnum. Egill Harðar byrjaði umræðuna á Twitter en ansi margir hafa tekið þátt og sagt frá sínum samskiptum.
Pétur Örn Gíslason segir frá samskiptum sínum við Griezmann og Thierry Henry. Hann segir Henry hafa verið toppnáunga en Griezmann talaði ekki stakt orð í ensku og tjáði sig í gegnum Google translate. Þá fannst honum eftirminnilegt þegar Mario Mandzukic spurði hvort 500 evrur nægðu fyrir 10 bjórum.
Hef hitt langflesta ef ekki alla erlenda landsliðsmenn í knattspyrnu sem hafa komið hingað síðan 2010.
Eftirminnilegt þegar ég tengdi Playstation tölvu fyrir Antoine Griezmann á hótelherbergi hans og hann kunni EKKI stakt orð í ensku og notaði Google Translate til að tjá sig.
— Pétur Örn Gíslason (@peturgisla) April 17, 2021
Mario Mandzukic ætlaði að borga mér 10 flöskubjóra með 500€ seðli, spurði hvort það myndi duga.
Það mikla tips sem ég hefði grætt á því fór fyrir bý þegar Nikica Jelavić stoppaði hann af og borgaði með 100€.
Mandzukic var með svona 30stk af 500€ seðlum á sér 😭
— Pétur Örn Gíslason (@peturgisla) April 17, 2021
Hlynur Hallgrímsson hitti Manchester United liðið frá 97-98 og sagði eftirminnilegast hvað Schmeichel hefði verið leiðinlegur.
Hitti annars Man Utd liðið þegar við bjuggum úti í Manchester '97-'98. Talaði mest við Beckham og Ole Gunnar Solskjær. Hetjan mín, Schmeichel, reyndist svona rosalega leiðinlegur og í engu skapi til að gefa eiginhandaráritanir.
— Hlynur Hallgrímsson (@hlynur) April 17, 2021
Fleiri sögur er hægt að lesa í umræddri færslu og er fólk hvatt til að deila sínum sögum.
