Arsenal getur gleymt því að kaupa norska miðjumanninn, Martin Odegaard í sumar. Hann er nú á láni hjá Arsenal en dvöl hans verður ekki lengri en það.
Odegaard er einn af fjórum leikmönnum Real Madrid sem félagið hreinlega útilokar að selja í sumar, hinir eru Rodrygo, Vinicius Junior og Federico Valverde. Félagið ætlar að byggja lið sitt upp í kringum þessa menn á næstu árum.
Madrid vill hreinsa til hjá sér í sumar til að reyna að kaupa Kylian Mbappe og Erling Haaland í sumar.
Marca á Spáni segir að Real Madrid muni í sumar reyna að losa sig við Gareth Bale, Isco og Marcelo sem allir eru á góðum launum hjá félaginu.
Þá eru Alvaro Odriozola, Mariano Diaz og Luka Jovic sem eru aukaleikarar til sölu og vonast félagið til að selja þá.
