Everton gæti farið í viðskipti við Juventus í sumar en ítalska félagið vill fá Moise Kean aftur frá enska félaginu. Kean hefur heillað í vetur en hann hefur verið á láni hjá PSG og slegið í gegn.
Þessi ungi ítalski framherji fann sig ekki hjá Everton en Juventus telur að hann sé nú klár í slaginn að leiða framlínu liðsins.
Ítalskir miðlar segja að Everton vilji um 40 milljónir punda fyrir Kean í sumar en Juventus gæti boðið þeim tvo leikmenn fyrir Kean.
Carlo Ancelotti vill styrkja allar línur í sumar og er Juventus tilbúið að bjóða þeim varnar og miðjumann, um er að ræða þá Adrien Rabiot og Merih Demiral.
Rabiot er öflugur franskur miðjumaður sem gæti veitt Gylfa Þór Sigurðssyni aukna samkeppni. Svona spá blaðamenn á Englandi því að lið Everton verði ef þessir tveir koma frá Juventus.
