Það andar köldu á milli Ole Gunnar Solskjær og Jose Mourinho stjóra Manchester United, eftir leik liðanna á sunnudag. United vann 1-3 sigur en sonur Solskjær hefur nú blandað sér í mál þeirra. Á 33. mínútu kom Edinson Cavani, Manchester United yfir með marki eftir stoðsendingu frá Paul Pogba. Markið var hins vegar skoðað í VAR og þar var komist að þeirri niðurstöðu að Scott McTominay, miðjumaður Manchester United, hafði brotið af sér í uppbyggingu sóknarinnar þegar að hann slæmdi hendinni í andlit Heung Min Son, sóknarmann Tottenham. Markið var því ekki tekið gilt og aukaspyrna dæmd.

Ole Gunnar Solskjær, knattspyrnustjóri Manchester United var ekki sáttur með athæfi Son og vill meina að hann hafi gert of mikið úr högginu. „Ef þetta væri sonur minn og hann lægi eftir í jörðinni og félagar hans þurfa að hjálpa honum upp, myndi hann ekki fá að borða, þetta er það vandræðalegt,“ sagði Solskjær í viðtali eftir leik.

Mourinho svaraði fyrir þetta. „Ég sagði Ole þetta, því ég hitti hann fyrir nokkrum mínútum. Hver yrðu viðbrögðin ef ég hefði sagt þetta, að ég ætlaði ekki að gefa syni mínum að borða,“ sagði Mourinho. „Ég verð bara að segja að Sonny er heppinn að faðir hans er betri en Solskjær. Faðir, ég sem faðir þá verð ég alltaf að gefa börnunum mínum að borða. Sama hvernig þau haga sér.“

Noah Solskjær hefur nú blandað sér í málið en hann var spurður út í málið í Noregi. „Ég hafði gaman af þessu á sunnudag,“ sagi Noah.

„Ég fæ alltaf að borða, því get ég lofað ykkur. Liðsfélagi minn spurði mig í dag hvort ég hefði fengið að borða fyrir æfingu,“ sagði Noah sem spilar með Kristiansund BK í Noregi.

„Ég hef aldreið legið svona í jörðinni eins og Son, Mourinho vildi taka athyglina frá þessu tapi.“