Bjarni Helgason blaðamaður á Morgunblaðinu er einn af mörgum knattspyrnuáhugamönnum sem hefur fengið nóg af VAR myndbandsdómgæslunni í enska boltanum. Tæknin er nú notuð annað árið í röð en mistök og oft á tíðum furðulegir dómar fara í taugarnar á fólki.

VAR tæknin hefur virkað vel í öðrum löndum en á Englandi hafa menn átt í vandræðum með að nýta tæknina til að bæta leikinn.

„Það verður bara að viður­kenn­ast að maður er orðinn ansi þreytt­ur á VAR-mynd­bands­dómgæsl­unni í ensku úr­vals­deild­inni í knatt­spyrnu. Hug­mynd­in er ekki vit­laus, ef hún virk­ar, en því miður fyr­ir alla áhuga­menn um knatt­spyrnu þá virðist mynd­bands­dómgæsl­an skapa fleiri vanda­mál en hún leys­ir og það hef­ur margsannað sig á yf­ir­stand­andi tíma­bili,“ skrifar Bjarni í Morgunblað dagsins.

Bjarni bendir á að tækni sem þessi hafi nýst vel í NFL deildinni og í NBA en hvert er vandamálið á Englandi að mati Bjarna?

„Dóm­ar­ar virðast ein­fald­lega treysta of mikið á tækn­ina og eru orðnir hrædd­ir við að taka eig­in ákv­arðanir af ótta við að gera mis­tök. Af þeim sök­um virðist ríkja ein­hvers kon­ar milli­bils­ástand sem hef­ur ekki gert nein­um gott,“ skrifar Bjarni.

„Eins og maður­inn sagði, tækn­in er góð en því miður er fólkið á bak við tækn­ina ekki að valda henni sem er ekki beint upp­lífg­andi fyr­ir kröfu­h­arða knatt­spyrnu­áhuga­menn í dag.“

Grein Bjarna í Morgunblaðinu má lesa í heild hérna.