Mbaye Diagne, leikmaður West Brom, virtist skora löglegt mark í leik liðsins gegn Southamton sem nú stendur yfir. Línuvörðurinn flaggaði hann þó rangstæðan og gat VAR, myndbandsdómgæslan, ekki breytt dómnum þar sem ekki var hægt að teikna nógu skýra línu út frá endursýningum.

VAR hefur verið mikið á milli tannana á fólki síðustu mánuði, þá aðallega fyrir það að dæma mörk af. Í dag vonuðust stuðningsmenn WBA þó til þess að ákvörðun línuvarðar um að dæma Diagne rangstæðan yrði snúið við. Þeir höfðu eitthvað til síns máls þar sem leikmaðurinn virtist klárlega réttstæður.

Allt kom þó fyrir ekki, markið fékk ekki að standa. Skýringin sem er gefin er sú að vegna staðsetningu á myndavélum hafi ekki verið hægt að teikna nægilega skýrar línur til þess að sýna að Diagne hafi verið réttstæður. Því hafi ákvörðun dómara á vellinum verið látin standa.

Það er óhætt að segja að skýringin sé fremur undarleg. Áhugavert verður að fylgjast með umræðunni í kjölfar þessa atviks.

Due to VAR being unable to "draw a definitive line" because of the camera's position, they stuck with the original on-field decision.

Meaning West Brom's early 'goal' was ruled out…#WBASOU pic.twitter.com/ghefug1Acx

— Amazon Prime Video Sport (@primevideosport) April 12, 2021