Kevin de Bruyne hefur skrifað undir nýjan samning við Manchester City sem gildir til ársins 2025. De Bruyne kom til City árið 2015 og hefur átt frábæran tíma hjá City.
De Bruyne þénaði um 300 þúsund pund á viku á gamla samningi sínum en fær talsverða launahækkun samkvæmt enskum blöðum.
„Pep og ég sjáum fótboltann á sama hátt, það er mjög mikilvægt fyrir mig að hafa svona samband við þjálfarann. Við viljum sömu hlutina,“ sagði De Bruyne um samband sitt við Pep Guardiola.
Ensk blöð segja frá því í dag að De Bruyne sé orðinn launahæsti leikmaður enska boltans, hann þéni í dag 385 þúsund pund á viku. Eða 67 milljónir íslenskra króna.
Hann tekur fram úr David de Gea markverði Manchester United sem hefur verið launahæsti leikmaður deildarinnar síðustu ár.
