Manchester United er að fara bjóða Ole Gunnar Solskjær stjóra félagsins nýjan samning, búist er við að hann skrifi undir á næstunni.

Solskjær á rúmt ár eftir af samningi sínum en forráðamenn félagsins vilja framlengja samning hans til ársins 2024.

Solskjær þénar 7,5 milljón punda í laun á ári í dag en hann hækkar all hressilega á nýjum samningi, þannig segja ensk blöð að Solskjær muni á nýjum samningi þéna 10 milljónir punda á ári.

Um er að ræða launahækkun sem gefur Solskjær 430 milljónum meira í árslaun, mun hann nú þéna 1,7 milljarð á ári.

Solskjær verður hins vegar langt á eftir Pep Guardiola sem fær 3,4 milljarða í laun á ári, helmingi hærri laun en Solskjær.