„Ég hef ekki drukkið í tíu ár núna í júní,“ segir Roy Carroll fyrrum markvörður Manchester Untied en hann háði harða baráttu við bakkus.

Carroll var öflugur markvörður sem lék með Manchester United, West Ham og fleiri liðum. Hann missti tök á drykkjunni árið 2006 þegar hann meiddist alvarlega hjá West Ham.

„Það geta allir farið þá leið að drekka of mikið, þetta getur komið fyrir alla sem eru eitthvað þungir andlega.“

Carroll hefur áhyggjur af því að nú þegar útgöngubann hefur verið í Bretlandi að margir hafi byrjað að drekka meira en þeir eru vanir.

„Ég hafði aldrei verið lengi meiddur, þarna fór ég ofan í djúpa holu og var ekki andlega tilbúinn. Það vissi enginn að mér liði illa, ég kom heim og barði hausnum við vegginn. Ég fékk mér síðan í glas og reyndi að gleyma þessu.“

„Ég var að reyna að losa mig við þunglyndi, þú drekkur mikið til að gleyma. Þetta er verra daginn eftir en þá drekkur þú bara aftur. Þetta virkar ekki, ég fór í meðferð af því að konan mín, umboðsmaður og vinir vildu það “

Carroll missti stjórn á drykkjunni þegar hann varð atvinnulaus árið 2011 eftir stopp í Danmörku. „Þegar ég var með lið þá drakk ég ekki kvöldið fyrir leik. Þegar ég var ekki að spila þá voru þetta allir dagar.“

„Ég hafði mikinn frítíma og ég drakk óhóflega, ef ég hefði ekki hætt þá væri ég ekki hérna. Líkami minn hefði ekki getað þetta.“

„Margir knattspyrnumenn lenda í þessu, þeir tala ekki um þetta á meðan ferill þeirra er í gangi.“