Romelu Lukaku, leikmaður Inter Milan á Ítalíu, hefur undanfarið spilað virkilega vel en tímabilið í ár er eitt það besta á ferlinum hans. Hann telur sig vita ástæðuna á bakvið velgengnina.

Hann segist aðallega borða salat, fisk og kjúkling á Ítalíu. „Ég breyti mataræðinu ekki mikið því ég þarf að vera sterkur fyrir leikinn sem við spilum, við hlaupum mikið og síðan ég byrjaði á þessu mataræði líður mér betur á vellinum. Ég er fljótari að hlaða batteríin og ég er hraðari,“ sagði Lukaku í viðtalinu.

Ítalskir fjölmiðlar hafa kafað ofan í málið og komist að því hvað Lukaku hefur gert, hann var oft gagnrýndur hjá Manchester United fyrir að vera örlítið of þungur. Lukaku fór til Inter fyrir einu og hálfu ári.

Næringafræðingurinn, Matteo Pincella hefur hjálpað Lukaku og segir La Gazzetta dello Sport að hann hafi gert nokkrar breytingar á mataræði Lukaku.

Framherjinn stóri og stæðilegi frá Belgíu elskaði að borða pizzur og pasta þegar hann var hjá Manchester United. Það gerir hann ekki í dag, pizza með ananas og carbonara var í uppáhaldi en hann fær sér það örsjaldan í dag.

Í stað þess er Lukaku borðar Lukaku kjúkling, sætar kartöflur og fisk. Hann fær að taka eina svindlmáltíð í viku og þá getur hann fengið sér það sem hann vill.

Þetta hefur skilað sér í því að Lukaku er 2,2 kílóum léttara sem er ansi mikil breyting á íþróttamanni með mikla vöðva.