Kun Aguero, framherji Manchester City, er að koma til baka eftir erfið meiðsli sem hann varð fyrir fyrr á tímabilinu. Hann kom inn á sem varamaður í leik liðsins í Meistaradeildinni gegn Borussia Mönchengladbach í gærkvöldi og spilaði í fimmtán mínútur.
City sigraði leikinn 2-0 og fara því áfram í einvíginu eftir að hafa einnig sigrað fyrri leikinn 2-0. Eftir leikinn var Aguero þó alls ekki sáttur út í liðsfélaga sína og sást hann eftir leikinn segja við einn þjálfara liðsins að liðsfélagar hans neituðu að senda á hann.
Aguero náði ekki að skapa neitt á þessum fimmtán mínútum sem hann spilaði og vill hann meina að skortur á sendingum frá liðsfélögum sé ástæðan. Samningur Aguero við Manchester City rennur út í lok leiktíðar en sagt er að hann sé nálægt því að ganga í raðir Barcelona.
