Stjörnustríðið í Bretlandi milli Coleen Rooney og Rebekah Vardy ætlar engan endi að taka. Málið kom fyrir dómara í vikunni þar sem lögfræðingar lögðu fram gögn, meintur kostnaður Vardy við lögfræðiþjónustu er sagður ótrúverðulegur.

Vardy lagði fram kæru eftir að Rooney sakaði hana um að leka gögnum í ensk götublöð. Vardy kveðst saklaus af málinu en Rooney er til í að láta málið niður falla og greiða sína sekt, ef Vardy er klár í að viðurkenna þátt sinn í lekanum.

Vardy kveðst vera búinn að eyða 150 milljónum íslenskra króna í lögfræðikostnað en kostnaður Coleen er helmingi minni. Þetta kom fram í gögnum sem lögð voru fyrir dómara í dag.

Dómari hvetur aðila til að leita sáttar, ef það tekst ekki verður málið tekið fyrir eftir rúmt ár. Coleen rétti fram sáttarhönd á dögunum en Vardy hafnaði því.

Enska götublaðið The Sun hefur síðustu ár flutt mikið af fréttum af Coleen Rooney og eiginmanni hennar, Wayne Rooney. Til að byrja með voru fréttirnar allt um persónulegt líf þeirra hjóna. Til að byrja með voru fréttir The Sun allar réttar, upplýsingarnar komu eftir að Coleen Rooney, hafði deilt upplýsingum með nánum vinum á Instagram.

Coleen skildi ekki af hverju allar þessar upplýsingar rötuðu í The Sun, hún var aðeins með nána vini á þessum lokaða Instagram reikningi. Það kom því ekkert annað til greina en að vinkona eða vinur hennar væri að leka upplýsingum í blaðið. ,,Í nokkur ár hefur einhver sem ég treysti til að fylgja mér á persónulegum Instagram reikningi, lekið upplýsingum í The Sun,“ skrifaði Coleen þegar hún sakaði Vardy um að leka í blöðin.

„Það væri best fyrir alla að finna sátt, sérstaklega fjárhagslega,“ sagði Master Easteman dómari í málinu.