„Þetta var slys sem var að far að gerast, slys sem var hægt að koma í veg fyrir. Slys sem allir í fótboltanum sáu komu en gátu ekki komið í veg fyrir,“ skrifar Martin Samuel blaðamaður hjá Daily Mail um höfuðhöggið sem Rui Patricio markvörður Wolves fékk í gær.

Óhugnalegt atvik átti sér stað undir lok leiks hjá Wolves og Liverpool í ensku úrvalsdeildinni í gær. Rui Patricio fékk þungt höfuðhögg eftir samstuð við liðsfélaga sinn Conor Coady og þurfti á langri aðhlynningu að halda.

Mikil umræða hefur sprottið upp í kjölfarið á samfélagsmiðlum en í aðdraganda samstuðsins var leikmaður Liverpool rangstæður. Sú umdeilda lína hefur verið dregin hjá knattspyrnudómurum í ensku úrvalsdeildinni að lyfta ekki flagginu upp í rangstöðu, fyrr en niðurstaða hefur náðst í sóknina.

Ef aðstoðardómarinn hefði lyft flagginu upp strax þá hefði mögulega verið hægt að koma í veg fyrir samstuðið. „Það sáu allir þetta slys koma, hefði flaggið farið upp eins og það hefði átt að gera. Þá hafði árekstur Patricio og Coady ekki átt sér stað. Hann verður í lagi en kannski verður heppnin ekki með í liði næst,“ skrifar Samuel.

Patricio var með meðvitund eftir atvikið og eru fyrstu fregnir af honum góðar. „Þetta gerist þegar þjálfarar og leikmenn eru ekki með í ráðum þegar reglum er breytt. Þessar nýju reglur virka vel með VAR.“