Wilfried Zaha, framherji Crystal Palace, var í dag fyrsti leikmaðurinn til að krjúpa ekki á hné til stuðnings við Black Lives Matter-hreyfinguna. Hann sendi frá sér tilkynningu þar sem hann útskýrir hvers vegna hann ákvað að standa frekar.

„Það er engin röng eða rétt ákvörðun, en fyrir mig persónulega er það bara orðinn partur af rútínunni fyrir leik að krjúpa á hné og það skiptir engu máli hvort við krjúpum eða stöndum, sumir okkar lenda enn í ofbeldi,“ skrifar Zaha í færslunni.

Hann segir að hann beri virðingu fyrir það að enska úrvalsdeildin hafi gert fullt til að reyna að breyta því sem gerist á bakvið tjöldin.

„Ég ber einnig fulla virðingu fyrir liðsfélögum mínum og leikmönnum í öðrum liðum sem kjósa að krjúpa enn. Sem samfélag finnst mér eins og við ættum að hvetja til betri kennslu í skólum og að samfélagsmiðlar ættu að vera með harðari aðgerðir gegn þeim sem níðast á öðrum á netinu.“

Hann segist ætla bara að einbeita sér að fótbolta núna og njóta þess að vera á vellinum.