Hinn litríki Bjarni Jóhannsson er gestur í hlaðvarpsþættinum Draumaliðið sem Jóhann Skúli stýrir af stakri snilld í hverri viku. Bjarni hefur átt farsælan feril sem þjálfari um langt skeið.

Bjarni er í dag þjálfari Njarðvíkur en hann hefur farið víða og meðal annars þjálfað ÍBV, Fylki, Stjörnuna, Breiðablik og Grindavík.

Frá árunum 2002 til 2003 var Bjarni þjálfari Grindavíkur og þar var Scott Ramsay í herbúðum félagsins. Þessi skoski knattspyrnumaður átti það til að vera aðeins of þungur að mati BJarni.

„Það sem háði honum alltaf er að hann var alltof þungur og leyfði sér ýmislegt sem varð þess valdandi að holningin á honum… Þetta varð ekki nógu gott. Hann var að burðast með of mörg kíló,“ sagði Bjarni í hlaðvarpsþættinum Draumaliðið.

Bjarni sagði frá því að Ramsay hefði oftar en ekki æft í svörtum ruslapoka til að losa sig hratt við kílóin.

„Það voru alltaf ákveðin tímabil í Grindavík þar sem hann æfði í svörtum ruslapoka til að svitna meira og ná af sér kílóum. hHfileikar hans sem knattspyrnumanns og augnayndið tæknilega séð var frábært,“ sagði Bjarni.

Ramsay átti góðan feril sem knattspyrnumaður á Íslandi „Það var alltaf líf í kringum kallinn en hann var kannski svolítið æstur,“ sagði Bjarni um þennan skoska knattspyrnumann.