Árni Vilhjálmsson gæti verið að snúa aftur í efstu deild karla á Íslandi og semja við Breiðablik. Þetta kom fram í Dr. Football hlaðvarpinu sem kom út seint í gær.
Árni hefur verið án félags síðan síðasta sumar en hann hafði spilað í Úkraínu í eitt og hálft ár þar á undan.
Kristiansund BK í norsku úrvalsdeildinni hefur fengið samþykkt tilboð sitt í Brynjólf Darra Andersen leikmann Breiðabliks. Vilja Blikar fá Árna til að fylla hans skarð samkvæmt Dr. Football.
Árni er 26 ára gamall en hann lék með Blikum til ársins 2014 þegar hann gekk í raðir Lilleström, hann var lánaður heimt til Blika sumarið 2016 en hefur þess utan verið í atvinnumennsku.
Fram kom í hlaðvarpsþættinum að Árni væri einnig í viðræðum við lið í Kazakhstan en málin ættu að skýrast á næstu dögum.
