Arsenal mun í sumar reyna að skera niður launakostnað hjá sér og það nokkuð hressilega ef marka má enska fjölmiðla. Arsenal lækkaði launakostnað sinn verulega í janúar.

Arsenal horfir fram á það að fá engar tekjur af áhorfendum fyrr en á næstu leiktíð og þá þarf félagið að fara að borga af 120 milljóna punda láni frá Bank of England á næstunni.

Líkur eru svo á því að Arsenal fari ekki í Meistaradeildina að ári og möguleiki er á því að liðinu takist ekki að ná sæti í Evrópudeildinni.

Arsenal losaði sig við Mesut Ozil, Shkodran Mustafi og Sokratis Papastathopoulos í janúar. Félagið lánaði svo Sead Kolasinac, Ainsley Maitland-Niles og Joe Willock er þetta sagt spara Arsenal 16,5 milljónir punda fram á sumar

Ensk blöð segja að Alexandre Lacazette verði til sölu í sumar og að David Luiz fái ekki nýjan samning í Lundúnum.

Félagið þarf að skera meira niður en það ef marka má fréttir, Arsenal vonast til að selja Matteo Guendouzi og Lucas Torreira fyrir tæpar 50 milljónir punda. Óvíst er hvort það takist en báðir hafa átt misheppnaðar dvalir á láni í vetur.

Arsenal vill selja Kolasinac og þá gæti félagið skoðað að selja Willock, Maitland-Nile. Arsenal vill kaupa Dani Ceballos og Mat Ryan í sumar en báðir eru á láni hjá félaginu.

Þá gæti Arsenal reynt að kaupa Martin Odegaard sem kom á láni frá Real Madrid í janúar.