Ravel Morrison fyrrum leikmaður Manchester United hefur viðurkennt að hafa rænt leikmenn félagsins til að verða sér út um aur.

Ravel er einn efnilegasti leikmaður sem komið hefur upp úr unglingastarfi United en ferill hans náði aldrei flugi, heimskupör innan sem utan vallar hafa orðið honum að falli.

Þegar Ravel var ungur í herbúðum United var hann reglulega að stela skóm af samherjum sínum og eldri leikmönnum félagsins. „Ég var ungur á þessum árum og var ekki á góðum launum,“ segir Ravel um málið.

Hann var eitt sinn gómaður af Rio Ferdinand þá leikmanni félagsins. „Ég fékk 250 pund fyrir parið, ef maður náði tveimur pörum voru þetta 500 pund. Þú fórst heim og gast keypt kínverskan mat fyrir fjölskylduna.“

Ravel er í dag 28 ára gamall en hann er án félags, mikið flakk hefur verið á kauða og lífið hans utan vallar oft pirrað hann.