Neymar leikmaður PSG hefur tekið upp símann og hringt í Lionel Messi til að sannfæra hann um að koma og ganga í raðir franska félagsins í sumar. L’Equipe segir frá

Neymar vill fá sinn gamla vin til Parísar en samningur Messi við Barcelona er á enda í sumar.

Messi var í stríði við Barcelona síðasta sumar þegar hann vildi fara, launahæsti leikmaður félagsins skoðar nú mál sín.

Barcelona glímir við fjárhagsvandræði og ólíklegt að félagið geti borgað sömu laun, vitað er að Manchester City hefur einnig áhuga.

Draumur eiganda PSG er að hafa Neymar, Messi og Kylian Mbappe í framlínu sinni á næstu leiktíð en félagið þarf að losa fjármuni til að geta borgað Messi.

Messi er einn besti knattspyrnumaður allra tíma en L’Equipe segir að samtalið hafi verið á þá leið að Neymar hafi verið að sannfæra Messi um að koma til Parísar.