„Lindelöf er vandamál Maguire og Maguire er vandamál Lindelöf,“ segir Gary Neville sérfræðingur Sky Sports sem hefur ekki mikla trú á að miðverðir Manchester United finni taktinn og verði öflugt teymi.
Báðir eiga sína spretti en of oft eru miðverðir Manchester United í vandræðum. „Lindelöf er frábær leikmaður, hann skilur leikinn og les hann vel. Ég tel hann vera góðan varnarmann, ef hann væri með Rio Ferdinand eða Virgil van Dijk þá væri hann frábær með þeim.“
🗣 "Lindelof's problem is Maguire, and Maguire's problem is Lindelof"@GNev2 doesn't think Lindelof & Maguire are a great partnership pic.twitter.com/w2yMYWQF9k
— Football Daily (@footballdaily) February 15, 2021
Talið er að Ole Gunnar Solskjær muni í sumar setja áherslu í það að fá inn miðvörð til að spila með Maguire.
„Lindelöf er að spila með Maguire sem er ekki sá hreyfanlegasti. Vandamál Lindelöf er að Maguire kostaði 80 milljónir punda. Félagið mun finna inn mann með honum.“
„Þeir falla báðir of mikið niður, þeir þurfa varnarmann sem stígur upp völlinn og er ágengur. Þú verður að hafa taugar til að stíga upp og skilja eftir smá svæði.“
