Pernille Harder og Magdalena Eriksson leikmenn í kvennaliði Chelsea vilja hjálpa þeim sem eiga í vandræðum með að koma út úr skápnum. Stelpurnar hafa rétt fram hjálparhönd til þeirra sem á þurfa að halda.
Harder og Eriksson hafa verið saman í tæp sjö ár og léku fyrst saman með Linköping í Svíþjóð áður en Harder gekk í raðir Wolfsburg. Kærustuparið sameinaðist svo hjá London á síðasta ári.
Harder er ein allra besta knattspyrnukona í heimi. „Ég er heppin að eiga fjölskyldu sem gladdist með mér þegar ég kom út fyrir sjö árum,“ segir Harder um málið.
„Ég veit að margir eiga í vandræðum með að segja vinum og fjölskyldu frá samkynhneigð sinni. Það hlýtur að vera versta tilfinning sem ég get ímyndað mér.“
„Að koma út úr skápnum á að vera eðlilegt og það eiga allir að taka því. Ég og Magda Eriksson höfum opnað innhólf okkar fyrir þá sem eiga í vandræðum með að koma út úr skápnum.“
Stelpurnar hafa fengið fjölda skilaboða sem þær hafa svarað og reynt að hjálpa þeim sem á hjálp þurfa að halda.
