Manchester United hefur ekki tekið ákvörðun um það hvort framlengja eigi samninginn við Edinson Cavani framherja félagsins.
Cavani kom til United síðasta haust og hefur komið inn af ágætis krafti, hann gerði samning við United út þessa leiktíð með möguleika á auka ári.
Cavani er 33 ára gamall framherji frá Úrúgvæ en hann kom til United eftir að tímabilið hófst og fór svo í leikbann fyrir meintan rasisma á samfélagsmiðlum en málið var umdeilt.
United getur virkt ákvæði í samningi hans en hefur ekki tekið ákvörðun um hvort það verði gert. Sömu sögu er að segja af Juan Mata sem er í óvissu með sína framtíð.
United getur framlengt samning hans um eitt ár en Mata hefur sjaldan spilað minna en á þessu tímabili, líkur eru á að United losi sig við hann af launaskrá í sumar.
