Hollywood leikararnir Ryan Reynolds og Rob McElhenney, eru nýjir eigendur Wrexham sem leikur í fimmtu efstu deild Englands.

Félagarnir eiga nú 100% hlut í félaginu og binda þessi kaup enda á níu ára feril félagsins í rekstri stuðningsmanna.

„Þetta er sérstakur dagur fyrir okkur, að vera orðnir ráðsmenn og hluti af langri sögu Wrexham,“ stóð í yfirlýsingu sem nýju eigendur Wrexham sendu frá sér.

Reynolds og McElhenney fjárfestu rúmlega 2 milljónum punda í félaginu, það jafngildir rúmlega 355 milljónum íslenskra króna.

Markmið nýrra eiganda er að koma félaginu aftur í opinbert deildarkerfi enska knattspyrnusambandsins (EFL) sem inniheldur efstu fjórar deildir Englands. Einnig munu þeir leggja áherslu á að efla kvennaknattspyrnu innan félagsins.