Ole Gunnar Solskjær stjóri Manchester United er sagður horfa til þess að kaupa Ibrahima Konate varnarmann RB Leipzig í sumar. Konate er 21 árs gamall varnarmaður en sagt er að Solskjær leggi mesta áherslu á það að finna miðvörð í sumar.

Konate hefur spilað ellefu landsleiki fyrir Frakkland en hann og Dayot Upamecano hafa myndað öflugt par í hjarta varnarinnar hjá Leipzig.

Enskir veðbankar telja líklegast að Konate verði á innkaupalista Solskjær í sumar en einnig er talið líklegt að félagið reyni við Raphael Varane varnarmann Real Madrid. Spænska liðið verður tilbúið að selja hann í sumar ef Varane skrifar ekki undir nýjan samning.

David Alaba fer á frjálsri sölu frá FC Bayern í sumar en hann er mest orðaður við Real Madrid og Chelsea.

Fimm varnarmenn sem Solskjær er sagður skoða:

Ibrahima Konate

Raphael Varane

David Alaba

Kalidou Koulibaly

Ben White