Francisco Trincao ungstirni Barcelona ákvað að fagna sigurmarki sínu gegn Real Betis um helgina með nýjum bíl og það úr dýrustu hillu.

Trincao sem er 21 árs gamall var keyptur til Barcelona frá Braga í Portúgal fyrir rúmu ári síðan, hann kostaði félagið 28 milljónir punda en hefur ekki fundið taktinn.

Sigurmarkið var hans fyrsta mark í spænsku deildinni en það kom á góðum tíma, í verðlaun gaf hann sjálfum sér Lamborghini Huracan. Bíllinn kostar rúmar 40 milljónir íslenskra króna. „Sérstök afhending í dag til Trincao,“ skrifar bílasalan á Instagram síðu sína.

Trincao hefur spilað sex landsleiki fyrir POrtúgal en Leicester lagði mikla áherslu á að kaupa hann síðasta sumar. Félagið bauð Barcelona að taka hann í tvö ár á láni og með því skilyrði að félagið myndi kaupa hann á 45 milljónir punda eftir það.

Barcelona hefur hins vegar trú á því að Trincao nái að slá í gegn á Nývangi en mikið hefur verið látið með kauða um langt skeið.