Heitar umræður hafa skapast í Bretlandi eftir að Rúnar Alex Rúnarsson spilaði sinn fyrsta deildarleik fyrir Arsenal í 2-1 tapi gegn Wolves í gær. Wolves tók á móti Arsenal á Molineux Stadium og komst Arsenal yfir á 32. mínútu eftir glæsilegan einleik Nicolas Pepe og allt stefndi að Arsenal færi með eins marks forystu í fyrri hálfleik en þá gerðist David Luiz varnarmaður Arsenal brotlegur í eigin teig og var rekinn af velli og víti dæmt sem Rúben Neves nýtti og jafnaði metin á fimmtu mínútu uppbótartíma.
João Moutinho kom svo Wolves yfir með mögnuðu langskoti á 49. mínútu og staðan orðin 2-1 Wolves í hag. Bernd Leno gerði sig svo sekann um að handleika boltann fyrir utan vítateig var rekinn af velli.
Rúnar Alex Rúnarsson kom inn í stað Thomas Partey til að verja mark Arsenal og er það söguleg stund fyrir Íslendinga þar sem hann er fyrsti íslenski markmaðurinn til þess að spila í ensku úrvalsdeildinni.
Leikmenn Arsenal voru verulega reiðir eftir leik og létu ósætti sitt skína á samfélagsmiðlum. David Luiz sem var rekinn byrjaði og setti inn mynd með mikið af reiðum köllum. „Ótrúlegt,“ skrifaði Luiz um málið.
Granit Xhaka sem er skaphundur tók sig einnig til og birti mynd af sér að benda á Craig Pawson dómara, hann eyddi færslu sinni skömmu síðar. „Erum pirraðir, áttum þetta ekki skilið,“ skrifaði Xhaka en ákvað að eyða færslu sinni skömmu síðar.
Reiður David Luiz:
Færslan sem Xhaka eyddi:
