Ísland og England áttur við í Þjóðadeildinni í dag en leikurinn fór fram á tómum Laugardalsvelli. Leiknum lauk með 0-1 sigri England. Raheem Sterling kom Englendingum yfir með marki úr vítaspyrnu í uppbótatíma. Sverrir Ingi Ingason fékk boltann í hendina og var rekinn af velli.
Birkir Bjarnason fékk svo frábært tækifæri til að jafna mínútu síðar úr vítaspyrnu en skaut langt yfir.
Góð frammistaða íslenska liðsins sem lék án sinna bestu leikmanna en Alfreð Finnbogason, Aron Einar Gunnarsson, Gylfi Þór Sigurðsson, Jóhann Berg Guðmundsson og Ragnar Sigurðsson voru fjarverandi. Þá meiddist Kolbeinn Sigþórsson í upphitun og var ekki með.
Englendingar voru meira með boltann en sköpuðu sér lítið, Harry Kane skoraði þó löglegt mark í fyrri hálfleik en var ranglega dæmdur rangstæður.
Íslenska liðið heldur nú til Belgíu og mætir þar einu besta landsliði í heimi. Einkunnir úr leiknum eru hér að neðan.
Byrjunarliðið:
Hannes Halldórsson 7
Þurfti ekkert oft að taka á honum stóra sínum en gerði hlutina vel
Hjörtur Hermansson 7
Flottur leikur hjá Hirti sem varðist vel og pakkaði Raheem Sterling reglulega saman.
Sverrir Ingi Ingason 7
Varðist vel með Kára í hjartanu og virðist vera á góðum stað eftir að hafa spilað mikið með PAOK á síðustu leiktíð.
Kári Árnason 8
37 ára en gerir nánast aldrei mistök í bláu treyjunni, frábær í dag.
Hörður Björgvin Magnússon 6
Englendingar sóttu lítið á Hörð en hann gerði vel þegar á þurfti.
Arnór Ingvi Traustason (´76) 6
Duglegur en náði ekki að ógna fram völlinn þegar tækifæri gafst til.
Birkir Bjarnason 6
Smá ryðgaður til að byrja með en vann sig inn í leikinn. Klúðraði svo vítaspyrnu til að jafna leikinn.
Guðlaugur Victor Pálsson 8 – Maður leiksins
Besti maður Íslands í leiknum, algjör leiðtogi á vellinum og hans besti landsleikur frá upphafi.
Jón Dagur Þorsteinsson (´65) 7
Fínir sprettir þegar hann fékk boltann.
Albert Guðmundsson 6
Kom óvænt inn í liðið vegna meiðsla Kolbeins, var lítið í boltanum.
Jón Daði Böðvarsson 6
Eins og aðrir íslenskir leikmenn framarlega á vellinum var Jón Daði lítið í boltanum.
Varamenn:
Arnór Sigurðsson (´65) 6
Komst lítið í boltann en gerði ágætlega.
