Arsenal mun á allra næstu dögum staðfesta kaup sín á Rúnari Alexi Rúnarssyni frá Dijon fyrir 1,5 milljón punda. Eins og 433.is hefur sagt er allt að verða klappað og klárt.
Rúnar mun skrifa undir fimm ára samning við Arsenal, með fjögur örugg og möguleikann á því fimmta. En ef marka fréttir dagsins frá Englandi verður Rúnar ekki eini markvörðurinn sem Arsenal kaupir í sumar.
Rúnar verður fimmti leikmaðurinn sem Arsenal fær í sumar en félagið hefur fengið Pablo Mari, Cedric Soares, Gabriel Magalhaes og Willian.
Goal heldur því fram að Arsenal ætli einnig að kaupa David Raya frá Brentford en líkt og Rúnar hefur hann unnið með Inaki Cana markmannsþjálfara Arsenal.
Goal segir að Raya sé ætlað að keppa við Bernd Leno um stöðuna í markinu og að Rúnar verði þeim til aðstoðar.
