Liverpool er mjög nálægt því að ganga frá kaupum á Thiago Alcantara miðjumanni FC Bayern fyrir 25 milljónir punda. Fjöldi enskra blaðamanna greinir frá.
Paul Joyce sem er vel tengdur Liverpool er einn af þeim sem segir frá, Liverpool kaupir Thiago sama hvort félagið selji miðjumann eða ekki. Thiago hefur verið orðaður við Liverpool síðustu vikur en hann hefur ekki viljað skrifa undir samning við FC Bayern. Thiago á bara ár eftir af samningi sínum.
Liverpool borgar 20 milljónir punda til að byrja með og 5 milljónir punda í bónusum.
Virgil van Dijk besti varnarmaður Liverpool var fljótur að skoða fréttirnar á Twitter og setja læk við það að Thiago væri að koma.
Thiago var frábær með Bayern sem vann Meistaradeildina í sumar og ætti að styrkja miðsvæði Engladnsmeistarana mikið.
