Hinn ungi og efnilegi Ísak Bergmann Jóhannesson hefur verið að gera góða hluti hjá sænska félaginu Norrköping síðan hann kom þangað fyrir tveimur árum.

Í dag tilkynnti Norrköping að Ísak væri búinn að skrifa undir nýjan samning við félagið en Fótbolti.net greindi frá samningnum. Ísak er einungis 17 ára en hefur þrátt fyrir ungan aldur verið að byrja leiki Norrköping undanfarið.

„Það er frábært að Ísak vilji vera áfram hjá okkur. Hann er gríðarlega góður leikmaður sem er tilbúinn að leggja mikið á sig,“ sagði þjálfari Norrköping, Jens Gustafsson, í samtali við heimasíðu Norrköping.