Knattspyrnustjarnan, Nathan Aké, fór á skeljarnar í vikunni en nýlega samþykkti Manchester City að borga 41 milljónir punda til að fá Aké til sín. Undanfarnir dagar hafa því verið án efa verið góðir fyrir þennan hollenska varnarmann.

Aké var í Bournemouth á síðasta tímabili en liðið féll úr ensku úrvalsdeildinni. Aké hefur eytt fríinu eftir leiktíðina með kærustunni sinni, Kaylee Ramman, í Nice í Frakklandi. Aké ákvað að fara með Ramman á lúxus snekkju en Ramman bjóst ábyggilega ekki við því sem átti eftir að gerast næst.

Aké fór nefnilega á skeljarnar og bað hennar. Hann greindi frá þessu á Instagram-síðu sinni með textanum „Hún sagði já!“. Fyrrum landsliðsmaður Englands, og einnig fyrrum liðsfélagi Aké, Jermain Defoe var með þeim fyrstu til að óska parinu til hamingju.

https://www.instagram.com/p/CDcKvD3Hp8V/

Kaylee vinnur við að gera umhverfisvæn sundföt sem eiga að endast lengi auk þess sem hún heldur uppi sínu eigin skartgripafyrirtæki, Status Medal. Þá er hún einnig lífstílsbloggari. Bloggið hennar heitir „Vivacious by Kaylee“ og þar fjallar hún um það sem hún elskar eins og vegan mat, ferðalög og hreysti.

https://www.instagram.com/p/CAvMySwA7zo/