Danny Rose, leikmaður Tottenham, hefur viðurkennt að hann eigi enga framtíð fyrir sér hjá félaginu.

Rose samdi við Newcastle á láni í byrjun árs en hann var ekki inni í myndinni hjá Jose Mourinho.

Bakvörðurinn á eitt ár eftir af samningnum sínum og mun kveðja Tottenham á næsta ári.

,,Fyrst og fremst er ég að spila fyrir eigin framtíð. Ég þarf ekki meiri hvatningu en það. Ég hef aðlagast vel og elska þessa stráka, starfsfólkið og stuðningsmennina,“ sagði Rose við heimasíðu Newcastle.

,,Það þarf engan geimvísindamann til að sjá það að ferill minn hjá Tottenham er búinn. Ég er að spila fyrir mína framtíð.“

,,Þetta er örugglega í fyrsta sinn á ferlinum sem ég er í þessari stöðu – ég hef aldrei átt bara eitt ár eftir af samningnum.“