Andri Fannar Baldursson kom við sögu hjá Bologna í kvöld sem mætti Inter Milan í ítölsku úrvalsdeildinni.
Bologna fékk erfitt verkefni og heimsótti Inter sem situr í þriðja sæti deildarinnar.
Bologna kom mörgum á óvart en liðið hafði betur 2-1 á San Siro eftir að hafa lent 1-0 undir í fyrri hálfleik.
Lautaro Martinez klikkaði á vítaspyrnu snemma í seinni hálfleik fyrir Inter og það kom í bakið á heimaliðinu.
Musa Juwara og Musa Barrow skoruðu mörk Bologna sem er í níunda sæti eftir sigurinn.
Andri kom inná sem varamaður þegar tvær mínútur voru eftir.
