Markalaust var í fyrri hálfleik í leik Atalanta og Bologna. Í seinni hálfleik náði Atalanta hins vegar að komast yfir en það var Luis Muriel sem skoraði markið fyrir þá. Fleiri urðu mörkin ekki í leiknum og fékk Atalanta því þrjá punkta í kvöld. Íslenska ungstirnið, Andri Baldursson, kom ekkert við sögu í leiknum.
Í hinum leik kvöldsins urðu mörkin aðeins fleiri en það var sænska kempan, Zlatan Ibrahimovic sem kom AC Milan yfir á 19. mínútu leiksins. Fransesco Caputo náði að jafna metin fyrir Sassuolo rétt fyrir hálfleik en hann skoraði úr víti. Zlatan sýndi þá að hann er ennþá í fullu fjöri og kom AC Milan aftur yfir áður en flautað var til hálfleiks. Fleiri urðu mörkin ekki og fór AC Milan því heim með 3 punkta í farteskinu.
