Mikel Arteta, stjóri Arsenal, vill halda Dani Ceballos hjá félaginu en hann er þar í láni frá Real Madrid.
Ceballos hefur staðið sig ágætlega á leiktíðinni en meiðsli hafa þó sett strik í reikninginn.
Miðað við orð Arteta þá mun Arsenal reyna að fá leikmanninn endanlega í sumar.
,,Bæði félög hafa verið í sambandi. Mér líkar vel við Dani og það sem hann gefur liðinu,“ sagði Arteta eftir 4-0 sigur á Norwich í gær.
,,Þegar ég kom þá var hann ekki nothæfur vegna meiðsla en hann er að skilja betur hvað við erum að reyna að gera.“
,,Hann er með stóran persónuleika á vellinum og getur tekið við boltanum hvar sem er og gefið okkur stöðugleika til að stjórna leikjum betur, það sama án bolta.“
