Voro Gonzalez er nýr stjóri Valencia á Spáni en hann mun taka við liðinu tímabundið og klára leiktíðina.
Albert Celades var rekinn frá Valencia á dögunum en liðið hefur tapað þremur af síðustu fjórum leikjum sínum.
Voro er nafn sem stuðningsmenn Valencia kannast vel við og er að taka við í sjötta sinn!
Voro var aðstoðarmaður Celades og hefur unnið með öðrum stjórum á Mestalla. Hann er einnig fyrrum leikmaður liðsins.
Voro hefur samtals stýrt Valencia í 36 leikjum og af þeim hafa 18 unnist.
