Albert Guðmundsson gæti spilað í Pepsi Max-deild karla í sumar ef marka má frétt Mbl.is í dag.

Albert er að koma til baka eftir fótbrot en búið er að blása deildina af vegna kórónuveirunnar.

„Al­bert er upp­al­inn hjá KR í Vest­ur­bæn­um og er það eitt þeirra liða sem gæti fal­ast eft­ir starfs­kröft­um hans í sum­ar. Þá hef­ur Breiðablik einnig verið nefnt sem hugs­an­leg­ur áfangastaður leik­manns­ins í sum­ar en Al­bert á að baki 11 lands­leiki fyr­ir A-landslið Íslands þar sem hann hef­ur skorað 3 mörk,“ segir í frétt Bjarna Helgasonar á Mbl.

Albert er 22 ára gamall og hefur spilað í Hollandi með PSV og AZ Alkmaar síðustu ár. Hann hefur átt fast sæti í landsliðshópi Íslands síðustu ár.

Albert kom við sögu á HM með íslenska landsliðinu í Rússlandi.