Roberto Di Matteo, fyrrum leikmaður og stjóri Chelsea, hefur tvisvar reynt að kaupa Timo Werner á ævinni.
Werner er á leið til Chelsea í sumar en hann kemur frá þýska félaginu RB Leipzig.
Di Matteo mistókst tvisvar að fá Werner þegar hann stýrði Schalke og Aston Villa.
,,Þegar ég var hjá Schalke þá var hann í Stuttgart og var að stíga sín fyrstu skref,“ sagði Di Matteo.
,,Seinni hluta tímabilsins, áður en ég fór þá var ég að plana skipti með yfirmanni knattspyrnumála.“
,,Ég sagðist vilja kaupa þennan leikmann, hann er góður. Hann er ungur, hraður og með góða tækni. Ég sagði að við gætum ekki sleppt honum.“
,,Svo fór ég til Aston Villa og ég reyndi að fá hann eftir fall Stuttgart en Leipzig var á undan.“
