Liverpool er Englandsmeistari árið 2020 eftir leik Chelsea og Manchester City í gærkvöld. Það hefur lengi legið í loftinu að Liverpool yrði meistari en liðið hefur aðeins tapað einum leik í deildinni. Manchester City þurfti að vinna Chelsea í gær til að tefja enn frekar en liðið tapaði 2-1 á Stamford Bridge.

Þetta er fyrsti sigur Liverpool í ensku úrvalsdeildinni en liðið vann síðast árið 1990 þegar úrvalsdeildin var ekki stofnuð. Liverpool er með 86 stig á toppi deildarinnar, 23 stigum á undan City sem vann titilinn í fyrra. Afrek Liverpool er magnað en sjö umferðir eru eftir af deildinni

Liveprool varð síðast enskur meistari fyrir 11.016 dögum, biðin hefur því verið löng.

Jurgen Klopp tók við Liverpool árið 2015 og fagnaði vel í gær. Leikmenn Liverpool voru saman á hóteli og steig Klopp trylltan dans í nótt eins og sjá má hér að neðan.

Hahahahah go on Jurgen pic.twitter.com/JCrUklxo4T

— Regan* (@regan_lowey) June 26, 2020