Jón Dagur Þorsteinsson var í byrjunarliði AGF sem tók á móti Randers í dönsku úrvalsdeildinni þegar boltinn fór að rúlla aftur í kvöld.
Deildin hefur eins og aðrar verið í pásu vegna kórónuveirunnar. Leiknum lauk með 1-1 jafntefli.
Danskir miðlar fjalla um að Jón Dagur hafi orðið trylltur þegar hann var tekinn af velli eftir rúman klukkutíma.
Hann sást meðal annars grýta hlutum frá sér og var allt annað en sáttur með þetta samkvæmt dönskum miðlum.
