Það vakti talsverða athygli síðasta haust þegar Stjarnan réð til starfa Ólaf Jóhannesson sem þjáfara í Pepsi Max-deild karla. Fyrir var félagið með Rúnar Pál Sigmundsson í starfi, þeir munu starfa saman.

Guðmundur Benediktsson, sagði á Stöð2 í gær að þetta væri ekki í fyrsta sinn sem Rúnar reyndi að fá sigursælan þjálfara með sér. Árið 2017 reyndi hann að fá Heimi Guðjónsosn, sem FH hafði þá rekið úr starfi.

Heimir var ekki að finna rétta starfið hérna heima og hélt til Færeyja en honum stóð til boða að mæta í Garðabæinn.

„Þetta er ekki í fyrsta sinn sem Rúnar reynir þetta. Þú nefndir Heimir áðan og þegar allar dyr virtust lokaðar fyrir Heimi og ekkert lið laust þá veit ég það fyrir víst að Rúnar Páll hafði samband við Heimi og ætlaði að fá hann með sér í þetta,“ sagði Guðmundur á Stöð2.

„Já þeir funduðu og þetta var komið ansi langt áður en Færeyjar giggið kemur. Við verðum að gefa Rúnari kredit fyrir þetta. Það er oft talið um að þú ert metinn af hversu sterkt fólk er í kringum þig og Rúnar er heldur betur óhræddur við það,“ sagði Freyr Alexandersson um málið.