Thiago, sonur Lionel Messi, er aðdáandi Cristiano Ronaldo sem leikur í dag með Juventus.

Ronaldo og Messi voru lengi keppinautar á Spáni þegar sá fyrrnefndi spilaði með Real Madrid.

Það hefur lengi verið samkeppni þeirra á milli en sonur Messi er þó aðdáandi portúgölsku stjörnunnar.

,,Hann talar mikið um Luis Suarez en samband okkar er frábært. Hann talar um Antoine Griezmann og Arturo Vidal aðallega vegna hárgreiðslunnar!“ sagði Messi.

,,Svo talar hann um fólk fyrir utan eins og Kylian Mbappe, Cristiano Ronaldo og Neymar.“

,,Já, Thiago þekkir alla þessa leikmenn og spyr spurninga reglulega og elskar að gera það.“