Dietmar Hamann, fyrrum leikmaður Liverpool, hefur hrósað vængmanninum öfluga Serge Gnabry.

Samkvæmt Hamann er Gnabry einn besti vængmaður heims en hann skoraði tvö mörk fyrir Bayern Munchen í gær í 3-0 sigri á Chelsea.

,,Að vera sagt það þegar þú ert 18 eða 19 ára gamall að þú sért ekki nógu góður fyrir botnliðið á Englandi og svo koma til baka og vera með andlega styrkinn til að gera það sem hann hefur gert er magnað,“ sagði Hamann.

,,Hann er frábær fyrirmynd fyrir hvaða krakka sem er, á hvaða aldri sem er. Ekki gefast upp og hafðu trú á sjálfum þér.“

,,Hann er einn af þremur eða fimm bestu vængmönnum heims í dag eftir að hann var ekki nógu góður fyrir miðlungslið í ensku úrvalsdeildinni.“