Paul Ince, fyrrum miðjumaður Liverpool telur að félagið verði í veseni með að halda Virgil van Dijk ef Barcelona eða Real Madrid láta til skara skríða.
Flestir eru á því að Van Dijk sé besti varnarmaður í heimi í dag, hann hefur slegið í gegn frá því að hann kom frá Southampton fyrir tveimur árum.
Liverpool borgðai þá 75 milljónir punda fyrir Van Dijk en hann hefur rætt við félagið um nýjan samning. ,,Þetta snýst um að Liverpool haldi sínum bestu bitum,“ sagði Ince en Liverpool vann Meistaradeildina í fyrra og er að vinna ensku deildina í ár.
,,Kemur einhver og reynir að fá Van Dijk? Þegar Barcelona eða Real Madrid koma þá er erfitt að segj aneit.“
,,Þú getur orðið fórnarlamb í eigin árangri, margir horfa á Liverpool og sjá leikmennina þar. Það er erfitt sem leikmaður að hafna Real Madrid eða Barcelona.“
