Atletico Madrid vann góðan sigur í spænsku úrvalsdeildinni í kvöld er liðið mætti Villarreal.
Villarreal komst óvænt yfir á Wanda Metropolitano er Paco Alcacer skoraði eftir 16 mínútur.
Angel Correa jafnaði svo metin fyrir Atletico á 40. mínútu fyrri hálfleiks og staðan jöfn í hálfleik.
Þeir Koke og Joao Felix kláruðu svo leikinn fyrir Atletico í seinni hálfleik og 3-1 sigur staðreynd.
Atletico er í þriðja sæti deildarinnar, 12 stigum á eftir toppliði Barcelona.
