Enska götublaðið The Sun hefur síðustu ár flutt mikið af fréttum af Coleen Rooney og eiginmanni hennar, Wayne Rooney. Til að byrja með voru fréttirnar allt um persónulegt líf þeirra hjóna. Til að byrja með voru fréttir The Sun allar réttar, upplýsingarnar komu eftir að Coleen Rooney, hafði deilt upplýsingum með nánum vinum á Instagram. Málið var mikið í fréttum á síðasta ári.

Coleen skildi ekki af hverju allar þessar upplýsingar rötuðu í The Sun, hún var aðeins með nána vini á þessum lokaða Instagram reikningi. Það kom því ekkert annað til greina en að vinkona eða vinur hennar væri að leka upplýsingum í blaðið.

,,Í nokkur ár hefur einhver sem ég treysti til að fylgja mér á persónulegum Instagram reikningi, lekið upplýsingum í The Sun,“ skrifaði Coleen fyrir áramót þegar hún opinberaði sökudólginn.

Konan sem Coleen sakaði um þetta var Rebekah Vardy, eiginkona Jamie Vardy sem var með Wayne Rooney í enska landsliðinu. Hún hefur alltaf neitað sök og segir að aðilar sem voru að sjá um Instagram síðu hennar, séu þeir seku.

Vardy skammaði Rooney mikið þegar hún birti gögnin. Hún var ófrísk og sagði þetta ekkki sanngjarna meðferð, hún kom svo fram í viðtali á ITV í gær. Skömmu eftir að hafa eignast sitt fimmta barn.

,,Ég hef fengið ítrekuð kvíðaköst, ég hef þrisvar sinnum endað á spítala eftir þetta mál. Ég fékk nýrnasteina, ég vildi ekki vera á meðal fólks. Ég óttaðist spurningar frá fólki,“ sagði Vardy.

,,Þetta var mjög erfitt, það erfiðasta sem ég hef upplifað í lífinu síðan fósturpabbi minn beitti mig andlegu ofbeldi, þegar ég var yngri.“